Mascarade des anciens éléves de l'Ikastola
Telesforo Monzon
Flasmoba
Eüskararen egüna

'Aitzina pika' libürüa - Aitzin-saltze

pikavignNor ote izan zen, kantiniersa agertü beno lehen, maskaradetan ikusten ahal zen azken maka beltza? Zoin ote zen Maule-Lextarreko Galerien zübü-saihets batetik besteala, frisat dobleak egitez, jauzten zen zamaltzain izigarri hura? Zonbat xiberotar dantzari haütü orozbakoz ebatsi zeizkün 1914-1918ko gerlak?

Galto horietzaz arrapostüak, bai eta beste argibide prunki ere jakinen dütügü Jean-Michel Bedaxagar urdiñarbetarrak adelatü düan libürüarekin. Sü Azia alkarteak argialatüren düan lan horrentako, ikertze hanitx egin dü, Xiberoko 180tik gora dantzari eta hogeita hamar bat sonügileren bizi-ürratsen kontatzeko, jakilegoen biltzeko, nola ere argazki zaharren biribilkatzeko, horik oro Lexarduart famatüaren (Lakarri/Atharratze) bidelagün edo jarraikizale izan zirelarik.

Berak egin düan parteaz haborokin, Urdiñarbeko kantari eta sonülariak beste zonbait jakitünen lagüngoaz prebalitü da, sail berezi elibaten bedakatzeko, aipa detzagün: Xabier Itçaina (düala 100 urte beno haboro, biribilka emaiten ziren Xiberoko dantzak) ; Ion Iruretagoyena (Bralearen sorterroak) ; Jean-Claude Larronde (kanpoko herrietarat egin ziren jelkaldiak: Polonia Erresuma Batua, etab...) ; Marcel Gastellu eta Geneviève Marsan (ttun-ttunaren aipamen xehea).

Kolorez beztitürik datekean « Aitzina pika» izeneko libürüa, ekaina edo arramaiatz erdixetan agertüko da, Atharratzen hilabete horren 20tik 24ala agitüko diren, aipagei horren ildoko libertitzeen eta erakuska eder baten artean.

Libürüa salgei date 30 eurotan, bena oraidanik manatzen ahal düzüe, kasü hortan 25 euro zaizüelarik kosteko (izan daitean posta igorte fresak barne). Aitzin-saltze honek apirilaren 1etik maiatzaren 15eala artino iraünen dü. Züen izen eta beste jakinbeharrekila batean, xeka igor ezazüe helbide hontara: Sü Azia - Hondarearen Etxea - 64130 Maule-Lextarre. Gure kontüala xüxenka pakatü nahiago bazünüe, mezü bat igor ezagüzüe helbide elektroniko hontara: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Aitzina pika

Jean-Michel Bedaxagar

 

 

AITZIN-SALTZE

Maiatzaren 15eala idekirik ................. 22 €

Sü Azia Argitaldaria

MANATZE HOILLA

"Aitzina pika" Libürüa

Izena  : ................................................. Izen-ttipia  : ...............................

Helbidea  : ............................................................................................................

................................................................................................................................................

Tel : ............................................... Email : .........................................................................

Zonbat libürü  : ............... x 22 € = .................. €

Postaz igortea, halabeharrez  3 € = .................. €

Xeka Sü Aziaren izenean  : ................... €

Helbide hontara igor  :

Sü Azia

Hondarearen etxea

64130 Maule-Lextarre

'Xahakoa' pastoralaren lehen agerraldiak arrakasta handia bildü dü

Xehetasunak

XahakoaBarkoxen, üztaila honen 25ean, agitü den 'Xahakoa' pastoralaren lehen agerraldiak arrakasta handia bildü dü. Ezi, denbora tapatürik egon bada eta lantzer kolpü elibat agitü badira ere, 2.400 ikusliar jin dira ikusgarri ezinago eder baten gozatzera.
Trajeria honen ikusteko, beste bi parada badütükezü :  üztaila honen 31n,  neskenegün gaüaz, eta agorrilaren 8an, igantearekila, egünaz. Sartzeak interneten bidez biltzen ahal dira www.xahakoa.org webgüneala joaitez.

Barkoxeko ‘Xahakoa’ pastoralaren internet günea plantan da

Xehetasunak
Barkoxeko herriak aurten emanen düan Xahakoa pastoralaz xehetarzünak oro edireiten  ahal dira www.xahakoa.org internet güneala joanez geroz. Güne hori, pastoral horrez eta, 1962. urteaz geroz Barkoxen agitzen diren eüskal kültüra agerraldietzaz axolatzen den Etxahun alkarteak dü plantan ezarri.
 
Joanes Etxebarria barkoxtar kasetatariak zoinen ederki moldatü düan internet güne horri esker, aurtenko pastoralaz, arren, denak oro jakiten ahal dira.  Patrick Quéheille ‘Kanpo’ barkoxtarrak izkiribatü düan lanaren testua ere biltzen ahal da hor. Jean-Fabien Léchardoy errejentaren manüetara egiten diren mustraken argazki andana ere ikus daite internet güne hontan. Barkoxen lehenago eman diren pastoral eta maskaradetzaz ere hogei bat argazki bada.
 
Etxahun alkartearen lanetzaz eta Xiberoa eüskal kültüra sailen – pastoralak eta maskaradak, prefosta, bena besterik ere – aipatze xeheak badirade, gainealat, www.xahakoa.org hortan.
 
Azkenik – eta honek inportantzia handia dü aurtenko pastoralaren hiru agerraldietan ikusliarrak 2.000ren altexean mügatüko beitira – sartzeak abantzeala erosteko sistema bat bada internet güne hontan. Xiberotik kanpo bizi direnek parada badükee, arren, sartzeak erreserbatzeko eta segür dirateke leküaren ükeiteaz.

Aita Junes CASENAVE ohoratze eta eskertze

Xehetasunak

 

J Cazenave

SÜ AZIAKko bürü izan zen Aita Junes CASENAVE, erretor kargüa ützi-eta, Donapaleüra erretiratzekoa  da. Xiberotik joan beno lehen, Basabürüko parropiak eta eüskararen bai eüskal kültüraren alde lanean ari direnek eskerrak emaite eta ohoreak egite bat eskentü nahi üken deie. Hau, igante hontan – üztailaren 11a – agitüren da, Altzaiko herriko bilgian, goizanko 10:30etarik haste. Aita Junesek merexi dü saldo handian bil gitean, haren üngürüan, parropianten eta eüskalgintzaren alde egin düan lan handiaz eskerrak emaiteko

 

 

2009an, SÜ AZIAko jonarazleak kanbiatü dira

Xehetasunak

2009. urtean agitü diren kanbioen ondorioz, hona zoin giren orai SÜ AZIAko joanarazleak :
Alkartebürü : Margarita BORDACHAR ;
Idazkari : Jean-Claude SÉHÉBIAGUE ;
Diharüzain : Daniel MAINHAGUIET.

Joanarazle Taldeko (Administrazione Kontseilüko) kide :
Jean-Michel BEDAXAGAR,
Marcel BEDAXAGAR,
Margarita BORDACHAR,
Jojo ETCHEBARNE,
Panpeia ETCHEBARNE,
Philippe ETCHEGOYHEN,
Beñat GAMIOCHIPI,
Daniel MAINHAGUIET,
Jakes SARRAILLET,
Jean-Claude SÉHÉBIAGUE,
Allande SOCARROS.

xiberokobotzaekecoursmauleonXiberoan Euskaraz Bai Association pour la promotion du dialecte souletinEuskararen Erakunde Publikoa Office Public de la Langue BasqueEuskaltzaindia Académie basqueHerri alkargoaconseilgeneral

 
Eskerrik hanitxiut